OS
SERVIZOS PÚBLICOS NON PODEN SER UNHA FONTE DE INGRESOS PARA EMPRESAS
QUE TENDEN A REMATAR EN AMIGUISMOS E CORRUTELAS COMO NO CASO POKEMON.
Coa
aprobación dos orzamentos para o 2014 no Concello de Ogrobe, Anova –
Irmandade Nacionalista denunciara a intención do tripartito de
recadar uns 120.000€ durante todo o ano só en multas de
tráfico.
En vez de favorecer unha
maior actividade económica para que reverta nuns maiores ingresos
por impostos progresivos que graven máis ós que máis teñen, ou
ideando sistemas de aforro e eficiencia económica no seo da
administración local, o goberno de Miguel Ángel Pérez, co
concelleiro de facenda como cómplice, pretenden fritir a multas ós
veciños e veciñas de Ogrobe.
Por se fose pouco, o
pintoresco e egocéntrico Fredy Bea, como concelleiro de seguridade
cidadá, plantexou a idea de instalar uns semáforos con radar
mediante concesión a unha empresa privada que levará parte da
recadación. Esta privatización que só persegue unha maior
recadación, terá un custe aproximado de 100.000€, é dicir, “lo
comido por lo servido”. Agardamos que, cando menos, non existan
vínculos entre o goberno local e a empresa concesionaria.
Agora esa idea vese
concretada na instalación deses semáforos e radares en Xoan XIII e
na estrada do Conde. Pensamos que ante estas medidas privatizadoras e
sancionadoras, o equipo de goberno debería ter outro tipo de
actitude, facendo campañas de concienciación e instalando medidas
disuasorias non punitivas que revirtan na seguridade das e dos
veciños.
Por
se fose pouco, estas medidas de vixilancia e control lévanse a cabo
por unha empresa privada en réxime de concesión. Na prensa galega e
española destes días non facemos máis que ver noticias que ligan
os sistemas de concesión de servizos públicos con regalos e
corruptelas ós nosos representantes electos. Os exemplos dos
populares coruñeses e compostelás ou dos socialistas lucenses e
ourensás son só a punta dun enorme iceberg consustancial ás
concesións e ás privatizacións dos servizos que os concellos e as
administracións públicas deben prestar dun xeito transparente e
eficiente.
Dende a asemblea local de
Anova – Irmandade Nacionalista en Ogrobe non podemos máis que
posicionarnos totalmente en contra destes proxectos e ideas que en
tempos de crise non fan máis que restar capacidade económica ás
familias e veciños que xa están a sufrir dun xeito terrible as
consecuencias dun sistema capitalista devorador e despiadado.
No hay comentarios:
Publicar un comentario